OLHA seu Helena

OLHA seu Helena

Russorum Semiramis, uxor Rurici, qui primus Russiae Monarcha et conditor familiae fuit, quam Bealam vocant: ex eo Ihor, sive Iehor, quem Cedrenus et alii Graecorum Historici Inger vocant, Regem Russorum, suscepit, hôcque intra iuventam defunctô, Principatum ipsa rexit. Ei successit Suatoslaus, sed Stoslaus, Graecis Sphendostablus, qui domitâ Bulgariâ Imperium Russiae, usque ad Pontum Euxinum et Thraciam, extendit. Post quem filius Uladimirus, solus fratirbus suis superstes, Russiae iterum Monarcha factus est A. C. 970. ductâque Annâ Basilii Imperatoris Constantionopolit. filiâ, religionem Christianam, secundum fidem et ceremonias Graeciae, in Russiam introduxit, A. C. 989. a quo tempore, universa Russia Graecam Religionem ad nostra usque tempora constanter retinuit. Hornius l. cit. p. 247.